A Liga Estudantil Galega é «unha organización estudantil que busca un ensino público, galego, democrático, de calidade e non patriarcal. Somos unha organización aberta, que se rexe pola democracia interna e o asemblearismo, con independencia de calquera outra organización estudantil ou política. Pode participar na Liga calquera estudante de ensino medio, formación profesional ou Universidade que concorde cos nosos principios. A nosa acción vai encamiñada á transformación do modelo actual de ensino, pero tamén ao conxunto da sociedade.»
A Asemblea de Filoloxía da Liga, amais de participarmos en todas as mobilizacións e actos organizados a nivel nacional ou local, adoitamos centrar a nosa actividade en cuestión de lingua, literatura e cultura. Desde a nosa constitución, hai xa dous anos, temos como obxectivo a organización dunhas xornadas anuais (as homenaxes a Neira Vilas, a Celso Emilio Ferreiro e aos 50 anos do Día das Letras Galegas son as que preceden a estas), xunto con outras accións que vaian xurdindo ao longo do curso.
Se queredes participar connosco, só tedes que pasarvos por algunhas das nosas asembleas. E, se tedes algunha dúbida ou suxestión, podedes enviala a ligaestudantilgalega.filoloxia@gmail.com.
Xornadas Represión Lingüística 